1. Bosh sahifa
  2. Jahon yurislingvistikasi

Jahon yurislingvistikasi

Xalqaro ilmiy jurnallar, assotsiatsiyalar, fundamental adabiyotlar va onlayn resurslar — talabalar va tadqiqotchilar uchun.

Yurislingvistika nima?

Yurislingvistika — huquq va til o‘rtasidagi o‘zaro munosabatlarni o‘rganuvchi yangi maxsus ilmiy yo‘nalish.

Yurislingvistikaning maqsad va vazifalari

  1. Yuridik til va yuridik nutqqa doir nazariy bilimlarni muttasil takomillashtirish.
  2. Qonun tili, qonunchilik uslubi va qonunchilik texnikasi masalalarini ilmiy-amaliy tadqiq etish.
  3. Qonun loyihalarida huquqiy normalarni ifodalashning metodologik asoslarini ishlab chiqish.
  4. Amaliyotda qonunni qo‘llash uchun qiyinchilik tug‘dirayotgan ifoda usullarini aniqlash va samarali ifoda shakllarini tavsiya etish.
  5. Yuridik terminlarni unifikatsiya qilish va ularni barqarorlashtirish (standartlashtirish).
  6. Yuridik tarjimashunoslik, yuridik lug‘atshunoslik va yuridik texnika masalalari.
  7. Normativ-huquqiy hujjatlarni lingvo-yuridik ekspertizadan o‘tkazish.
  8. Normativ-huquqiy hujjatlar va xalqaro shartnomalarni tarjima qilish hamda ularning autentligini ta’minlash.
  9. Huquqshunos kadrlarning lingvistik tayyorgarligi bilan bog‘liq «Yuridik til asoslari», «Yurisprudensiyada yozma nutq ko‘nikmalari», «Mutaxassislik tili», «Yurisprudensiyada so‘z san’ati», «Sud notiqligi», «Lingvokriminalistika», «Sudda lingvistik ekspertiza», «Yuridik hujjat tuzish asoslari» kabi o‘quv kurslarining ilmiy asoslarini belgilash va ularni o‘quv jarayoniga joriy etish.
  10. Huquq va til ilmlarining o‘zaro «kesishgan nuqtasi»ni, huquq rivojida tilning, til taraqqiyotida huquqning vazifalarini belgilash.
  11. Mamlakat va jamiyat rivojida davlat tili, yuridik til hamda yuridik nutqning o‘rni va rolini o‘rganish.

01Xalqaro jurnallar

IJSLLJurnal

International Journal of Speech, Language and the Law

Yurislingvistika va sud lingvistikasi sohasidagi dunyoning yetakchi ilmiy jurnali, IAFLL va IAFPA assotsiatsiyalarining rasmiy nashri (1994-yildan). Unda sud zali diskursi, mualliflikni aniqlash, tuhmat va haqorat bo‘yicha lingvistik ekspertiza mavzularidagi nufuzli tadqiqotlar chop etiladi. Tadqiqotchi va magistrlar uchun asosiy manba.

journal.equinoxpub.com
LESLIOchiq jurnal

Linguistic Evidence in Security, Law and Intelligence

AQShdagi TALE (The Association for Linguistic Evidence) assotsiatsiyasining xalqaro ochiq (bepul) ilmiy jurnali. Huquqni muhofaza qilish, milliy xavfsizlik va sud ishlarida lingvistik dalillardan foydalanish masalalarini yoritadi. Maqolalarni bepul yuklab olish mumkin.

tale-forensiclinguists.org
LL/LDOchiq jurnal

Language and Law / Linguagem e Direito

Yuridik til, qonunchilik texnikasi va sud lingvistikasiga ixtisoslashgan xalqaro ochiq jurnal (Portu universiteti). Maqolalar ingliz va portugal tillarida bepul e’lon qilinadi.

ojs.letras.up.pt

02Assotsiatsiyalar va markazlar

IAFLLAssotsiatsiya

International Association for Forensic and Legal Linguistics

Dunyo yurislingvistlarini birlashtiruvchi bosh xalqaro tashkilot. Professor Sh. Ko‘chimov — IAFLL a’zosi. Assotsiatsiya xalqaro konferensiyalar, yozgi maktablar va IJSLL jurnalini qo‘llab-quvvatlaydi.

iafll.org
AIFLIlmiy institut

Aston Institute for Forensic Linguistics

Buyuk Britaniyadagi Aston universiteti qoshidagi dunyoning eng yirik va nufuzli sud lingvistikasi ilmiy-tadqiqot instituti. Zamonaviy sud ekspertizasi usullari, raqamli matnlar tahlili va lingvistik ma’lumotlar bazalari shu yerda jamlangan.

aston.ac.uk
FoLDRaqamli arxiv

Forensic Linguistic Databank

Sud lingvistikasi sohasidagi real ishlar materiallari, tahdid xatlari, firibgarlik matnlari va sud bayonnomalarining xalqaro raqamli arxivi. Doktorantlar uchun dissertatsiyalarda empirik material sifatida foydalanish mumkin bo‘lgan noyob baza.

fold.aston.ac.uk
TALEAssotsiatsiya

The Association for Linguistic Evidence

Lingvistik dalillar bo‘yicha ilmiy tadqiqotlar va amaliyotchilarni birlashtiruvchi AQSh assotsiatsiyasi; LESLI jurnalining nashriyotchisi.

tale-forensiclinguists.org

03«Oltin fond»

Talabalarga tavsiya etiladigan xorijiy fundamental adabiyotlar (APA formatida).

  1. Coulthard, M., Johnson, A., & Wright, D. (2016). An Introduction to Forensic Linguistics: Language in Evidence (2nd ed.). Routledge.

    Sud lingvistikasining dunyodagi eng mashhur darsligi.

  2. Tiersma, P. M. (1999). Legal Language. University of Chicago Press.

    Qonunchilik texnikasi va yuridik til nazariyasi bo‘yicha fundamental asar.

  3. Solan, L. M., & Tiersma, P. M. (2005). Speaking of Crime: The Language of Criminal Justice. University of Chicago Press.

    Tuhmat, haqorat va tahdidlarni lingvistik tahlil qilish bo‘yicha qo‘llanma.

04Onlayn resurslar

AIFL tadbirlari va xalqaro yozgi maktabAston instituti professorlarining ochiq ma’ruzalari, seminarlari va sud lingvistik tahlili bo‘yicha xalqaro yozgi maktabi. IAFLL konferensiyalari va resurslariXalqaro konferensiyalar materiallari, yosh tadqiqotchilar uchun imkoniyatlar va sohaga oid foydali havolalar. Professorning YouTube kanaliTeleko‘rsatuvlar va ma’ruzalar yozuvlari — Videoteka bo‘limida ham jamlangan.